8 декабрь, Кесе йома

18 ноябрь 2014 йыл, 11:59

Башҡортостан Финанс министрлығы «Граждандар өсөн бюджет» тигән беренсе конкурсҡа йомғаҡ яһаны

 

ӨФӨ, 2014 йыл, 18 ноябрь. /«Башинформ» мәғлүмәт агентлығы, Эльвира Латипова/. Республиканың Финанс министрлығында «Граждандар өсөн бюджет» конкурсына йомғаҡ яһалды. Был дәүләт финанстары менән идара итеү системаһын популярлаштырыуға өндәлгән тәүге республика конкурсы, тип хәбәр итә ведомствоның матбуғат хеҙмәте. Конкурста бөтә теләүселәр ҙә ҡатнаша алды.

Конкурста ҡатнашыусылар бюджетты популярлаштырыуҙың төрлө варианттарын: бюджет табышы һәм сығымдары тураһында мәғлүмәт менән интернет-ресурс, презентация, балалар өсөн китап, насар ишетеүсе кешеләр өсөн ролик, өҫтәл уйыны тәҡдим итте.

Күмертау һәм Сибай финанс идаралыҡтары, «Асыҡ төбәк» мәғлүмәти технологиялар үҙәге, Ҡаҙна сәйәсәт үҙәге, «Йәш Рәсәй» йәмәғәт хәрәкәте һәм Руслан Шаматовтың проекттары конкурс еңеүселәре тип иғлан ителде. Башҡа проект авторҙары ҡатнашыусы сертификатын аласаҡ.