9 декабрь, Йома

12 ноябрь 2014 йыл, 8:07

Николай Патрушев «Башҡортостан Республикаһы алдындағы ҡаҙаныштары өсөн» ордены менән бүләкләнде

 

ӨФӨ, 2014 йыл, 12 ноябрь. /«Башинформ» мәғлүмәт агентлығы, Сергей Захаров/. Рөстәм Хәмитов Рәсәй Именлек советы секретары Николай Патрушевты төбәк территорияһы һәм халҡының именлеген тәьмин итеү эшенә ҙур өлөш индергәне өсөн «Башҡортостан Республикаһы алдындағы ҡаҙаныштары өсөн» ордены менән наградлау тураһындағы указға ҡул ҡуйҙы.

Николай Платонович Патрушев 1951 йылдың 11 июлендә Ленинградта тыуған. Армия генералы, юридик фәндәре кандидаты, Рәсәй Геройы. I, II, III һәм IV дәрәжәлеге «Ватан алдындағы ҡаҙаныштары өсөн», Батырлыҡ, «Хәрби ҡаҙаныштары өсөн», Почет ордендары кавалеры, бик күп миҙалдар менән бүләкләнгән. 1974 йылдан алып дәүләт именлеге органдарында хеҙмәт итә. РФ Президентының Контроль идаралығын етәкләй, ун йылға яҡын Рәсәй Федераль именлек хеҙмәте директоры була. 2008 йылдың майында дәүләт башлығының указы менән Именлек советы секретары итеп тәғәйенләнә.