5 декабрь, Дүшәмбе

07 ноябрь 2014 йыл, 16:55

Инфляция Башҡортостанда ғинуар-октябрҙә 7 процент тәшкил итте

 

ӨФӨ, 2014 йыл, 7 ноябрь. /«Башинформ» мәғлүмәт агентлығы, Эльвира Латипова/. Ҡулланыу хаҡтары индексы республикала ғинуар-октябрҙә 107 процент тәшкил итте, тип хәбәр итә Башҡортостанстат. Октябрҙә тауарҙарға һәм хеҙмәттәргә хаҡтар уртаса 0,7 процентҡа артты.

Республикала быйыл күберәк хеҙмәттәр – 10,1 процентҡа – ҡиммәтләнде. Аҙыҡ-түлеккә хаҡтар ун айҙа 8,8 процентҡа, аҙыҡ-түлек булмаған тауарҙарға 3,3 процентҡа күтәрелде.

Рәсәй Федерацияһы буйынса уртаса алғанда ҡулланыу хаҡтары индексы ғинуар-октябрь йомғаҡтары буйынса 107,1 процент тәшкил итте, Волга буйы федераль округы субъекттарында – 106 проценттан алып (Удмуртия Республикаһы) 108, 3 процентҡа тиклем (Һамар өлкәһе).