5 декабрь, Дүшәмбе

29 октябрь 2014 йыл, 8:22

Рөстәм Хәмитов Халыҡтар берҙәмлеге көнөн байрам итеү тураһындағы указға ҡул ҡуйҙы

 

ӨФӨ, 2014 йыл, 29 октябрь. /«Башинформ» мәғлүмәт агентлығы, Сергей Захаров/. Башҡортостан Президенты «2014 йылда халыҡтар берҙәмлеге көнөн байрам итеү тураһында»ғы указға ҡул ҡуйҙы. Рөстәм Хәмитовтың ҡушыуы буйынса байрам сараларын әҙерләү һәм үткәреү менән Мәғариф, Мәҙәниәт һәм Спорт министрлыҡтары район һәм ҡала хакимиәттәре менән берлектә шөғөлләнәсәк.

Байрам үткәреү урындарында медицина хеҙмәткәрҙәре дежур итәсәк. Йәмәғәт тәртибен һаҡлау, юл хәрәкәте хәүефһеҙлеге, янғын хәүефһеҙлеге сараларын күреү Эске эштәр министрлығы һәм Ғәҙәттән тыш хәлдәр министрлығының республика буйынса баш идаралығы хеҙмәткәрҙәренә йөкмәтелгән.

Иҫегеҙгә төшөрәбеҙ, 1,2,3 һәм 4 ноябрь республикала ял көндәре тип иғлан ителгән.