9 декабрь, Йома

14 октябрь 2014 йыл, 10:19

Башҡортостан Хөкүмәте «Алтын көҙ» күргәҙмәһендә Гран-приға лайыҡ булды

фото: БР Ауыл хужалығы министрлығы

ӨФӨ, 2014 йыл, 14 октябрь. /«Башинформ» мәғлүмәт агентлығы, Илья Спиридонов/. «Алтын көҙ» XVI Рәсәй Агросәнәғәт күргәҙмәһендә Башҡортостан Республикаһы Хөкүмәте Гран-приға лайыҡ булды, тип хәбәр иттеләр БР Ауыл хужалығы министрлығының матбуғат хеҙмәтенән.

Ойоштороусыларҙың фекере буйынса, Башҡортостандың стилләштерелгән экспозицияһы милли колоритты ғына түгел, республиканың агросәнәғәт комплексы мөмкинлектәрен дә лайыҡлы сағылдыра.

Иҫегеҙгә төшөрәбеҙ, Башҡортостандың аҙыҡ-түлек һәм эшкәртеү сәнәғәте предприятиелары күргәҙмәлә төрлө-төрлө һөт, ит, ликер-араҡы, икмәк-күмәс һәм кондитер аҙыҡ-түлектәрен тәҡдим итте.