8 декабрь, Кесе йома

24 сентябрь 2014 йыл, 11:30

Өфөлә йылытыу миҙгеле башланды

 

ӨФӨ, 2014 йыл, 24 сентябрь. /«Башинформ» мәғлүмәт агентлығы, Екатерина Соколова/. Өфөлә йылытыу миҙгеле башланды: йылы балалар баҡсаларының 70 һәм мәктәптәрҙең 60 процентына ебәрелгән. 27 сентябргә социаль объекттарға йылы биреү буйынса эштәр тамамланасаҡ.

Күп фатирлы йорттарҙа торлаҡ хужалары үҙ аллы йылы биреү көнөн билдәләй ала. Бының өсөн торлаҡ хужаларының дөйөм йыйылышында тейешле ҡарар ҡабул ителергә тейеш, һуңынан протоколды үҙҙәренең идара итеүсе компанияларына йүнәлтергә кәрәк һәм нәҡ ошо заявка нигеҙендә ресурс менән тәьмин итеүсе ойошма йылылыҡ энергияһын ебәрә башлаясаҡ.

Өфө Торлаҡ хужалығы идаралығы директоры Рәил Мирхәйҙәровтың мәғлүмәте буйынса, үткән аҙнала бындай заявкалар ҡабул ителмәгән.

Әлеге ваҡытта йылытыу миҙгелен башлау тураһындағы норматив-хоҡуҡи актҡа ҡул ҡуйылған. Өфө йорттарына йылы аҡрынлап бирелә башлаясаҡ.