6 декабрь, Шишәмбе

23 сентябрь 2014 йыл, 15:20

Торлаҡ төҙөү күләме Башҡортостанда 2013 йылдың ғинуар-авгусына ҡарата 13 процентҡа артҡан

 

ӨФӨ, 2014 йыл, 23 сентябрь. /«Башинформ» мәғлүмәт агентлығы, Эльвира Латипова/. Ғинуар-августа республикала йәмғеһе 1 миллион 572,7 мең квадрат метр торлаҡ сафҡа индерелгән. 2013 йылдың ошо уҡ осоро менән сағыштырмаса, төбәктә торлаҡ төҙөү күләме 13 процентҡа артҡан, тиелә Башҡортостанстат материалдарында.

Август айы иң һөҙөмтәлеһе: ай эсендә республикала бөтә финанслау сығанаҡтары иҫәбенә 319,4 мең квадрат метр торлаҡ индерелгән – июлгә ҡарағанда ике тапҡырға тиерлек һәм уҙған йылдың авгусына ҡарағанда яртыға күберәк.

Торлаҡ төҙөлөшөндә шәхси төҙөүселәр өҫтөнлөк итә: уларҙың иҫәбенә ағымдағы йылда төҙөлгән торлаҡтың 75,2 проценты (2013 йылдың ғинуар-авгусында – 80,8 процент) тура килә.