4 декабрь, Йәкшәмбе

22 сентябрь 2014 йыл, 14:34

Башҡортостанда бер нисә көнгә ҡояшлы һәм йылы һауа торошо урынлашасаҡ

фото: Андрей Старостин

ӨФӨ, 2014 йыл, 22 сентябрь. /«Башинформ» мәғлүмәт агентлығы, Гөлфиә Акулова/. Республикала был аҙнала йылы һәм ҡояшлы буласаҡ. Рәсәй Гидрометеорология үҙәгенән хәбәр итеүҙәренсә, алдағы көндәрҙә һауа торошон Волга буйына көньяҡ-көнсығыш йүнәлешендә аҡрын ғына күсеүсе антициклон билдәләйәсәк. Йылы көньяҡ-көнбайыш һәм көньяҡ йүнәлешендәге елдәр уның төньяҡ-көнбайыш периферияһында һауа температураһын бер нисә күрһәткескә күтәрәсәк.

Башҡортостанда 22-25 сентябрҙә термометр бағанаһы көндөҙ плюс 20 градус билдәһенә тиклем күтәреләсәк, ә төндә 6 градустан түбәнерәк төшмәйәсәк. Кесе йома, 25 сентябрҙә бер аҙ ямғыр яуыуы ихтимал.

Йома, 26 сентябрҙә, һыуытасаҡ, һауа температураһы 16 градусҡа тиклем төшәсәк. Ял көндәрендә һауа торошо элеккесә ҡаласаҡ – шулай уҡ ҡояшлы буласаҡ, синоптиктар ямғыр вәғәҙә итмәй.