11 декабрь, Йәкшәмбе

16 сентябрь 2014 йыл, 10:31

Константин Толкачев 2014 йылда Республика көнөн әҙерләү һәм үткәреү буйынса ойоштороу комитетын етәкләне

 

ӨФӨ, 2014 йыл, 16 сентябрь. /«Башинформ» мәғлүмәт агентлығы, Сергей Захаров/. Рөстәм Хәмитов 2014 йылда Республика көнөн әҙерләү һәм үткәреү тураһындағы указға ҡул ҡуйҙы. Ойоштороу комитеты рәйесе итеп Башҡортостан парламенты спикеры Константин Толкачев тәғәйенләнде. Комитет составына юғары звеноның 30 етәксеһе инә.

Ойоштороу комитетына алдағы саралар планын әҙерләргә һәм раҫларға ҡушылған. Район һәм ҡала хакимиәттәренә Рәсәйҙең һәм Башҡортостандың дәүләт символикаларын файҙаланып учреждениеларҙы, урамдарҙы, майҙандарҙы, йәмәғәт биналарын һәм йорттарҙы байрамса биҙәү; күмәк кеше ҡатнашлығында мәҙәни һәм спорт сараларын ойоштороу; ауыл биләмәләрендә йәрминкәләр үткәреү һәм сауҙа ойоштороу эше йөкмәтелгән.