10 декабрь, Шәмбе

14 сентябрь 2014 йыл, 21:47

Киске сәғәт 8-гә һайлауҙарға барыусыларҙың яҡынса һаны 77,27 процент тәшкил итә – БР Үҙәк һайлау комиссияһы

 

ӨФӨ, 2014 йыл, 15 сентябрь. /«Башинформ» мәғлүмәт агентлығы, Ғәлиә Нәбиева/. Башҡортостандың баш ҡалаһының Орджоникидзе һәм Киров райондары ҡала округтары мәғлүмәттәренән тыш, республика башлығын һайларға дөйөм һайлаусыларҙың 77,27 проценты барған. Комиссия секретары Марина Долматованың фекере буйынса, был райондарҙың мәғлүмәттәрен иҫәпкә алғанда һайлауҙарға барыусыларҙың һаны бер аҙға кәмергә тейеш.

Әлеге ваҡытта тауыш биреү тамамланған. Участка комиссиялары тауыштарҙы иҫәпләй башланы. Марина Долматова журналистарға бюллетендәрҙе иҫәпләү һәм улар менән эш итеү процедураһын аңлатты.

Яҡынса тауыш биреү һөҙөмтәһе 15 сентябрҙә 11 сәғәттә БР Үҙәк һайлау комиссияһы рәйесе Хәйҙәр Вәлиев уҙғарған брифингта иғлан ителәсәк.

темалар: һайлауҙар