8 декабрь, Кесе йома

14 сентябрь 2014 йыл, 12:30

Юнир Ҡотлоғужин Башҡорт дәүләт университеты участкаһында һайланы

фото: Андрей Старостин

ӨФӨ, 2014 йыл, 14 сентябрь. /«Башинформ» мәғлүмәт агентлығы, Ғәлиә Нәбиева/. Юнир Ҡотлоғужин ваҡытынан алда Башҡортостан Президентын һайлауҙа Башҡорт дәүләт университеты һайлау участкаһында тауыш бирҙе. Тормош иптәше Флүзә менән ул Зәки Вәлиди урамындағы участкаға теүәл иртәнге сәғәт 9-ҙә килде.

— Минең өсөн был айырыуса һайлауҙар, — тип тәьҫораттары менән уртаҡлашты кандидат. – Һауа торошо яҡшы, кәйефтәр күтәренке. Яҡындағы биш йылда республиканың киләсәген билдәләү өсөн уңайлы осор.

Юнир Ҡотлоғужин 1976 йылдан алып һайлау хоҡуғына эйә. Советтар заманында, участкалар иртәнге сәғәт 6-ла асылып төнгө 12-лә бикләнгәндә халыҡтың әүҙемлеге юғарыраҡ ине, тип билдәләне ул.