11 декабрь, Йәкшәмбе

14 сентябрь 2014 йыл, 11:05

Рөстәм Хәмитов Башҡортостан Президентын һайлауҙа Ғафури районында тауыш бирҙе

фото: Андрей Старостин

ӨФӨ, 2014 йыл, 14 сентябрь. /«Башинформ» мәғлүмәт агентлығы, Ғәлиә Нәбиева/. Рөстәм Хәмитов ваҡытынан алда Башҡортостан Президентын һайлауҙа ҡатнашты. Тауыш биреү Ғафури районының Красноусол ауылында 2-се урта дөйөм белем биреү мәктәбендә урынлашҡан 1665-се һайлау участкаһында уҙҙы, унда Рөстәм Хәмитов үҙенең тормош иптәше Гөлшат Хамитова менән барҙы.

Республика етәксеһенең һүҙҙәре буйынса, ул үткән көндө «Красноусол» шифаханаһына эштәрҙең нисек барышын ҡарарға килеп Ғафури районында тауыш бирҙе.

— Өфөгә ҡайтып торманым, бында тауыш бирәсәгемде белеп теркәүҙән төшөрөү танытмаһын алдым һәм был участкала тауыш бирҙем, — тип аңлатты Рөстәм Хәмитов.