8 декабрь, Кесе йома

08 сентябрь 2014 йыл, 14:24

Баҡалыла яңы балалар баҡсаһы йөҙҙән ашыу баланы ҡабул итәсәк

 

ӨФӨ, 2014 йыл, 8 сентябрь. /«Башинформ» мәғлүмәт агентлығы, Әлим Фәйезов/. Шаршамбы, 10 сентябрҙә, Баҡалы районының административ үҙәге Баҡалы ауылында 110 урынлыҡ «Буратино» яңы балалар баҡсаһы үҙ ишектәрен асасаҡ. Яңы уҡыу йылында был Баҡалы балаларына иҫ китмәле бүләк. Муниципалитеттан хәбәр итеүҙәренсә, объекттың сметала ҡаралған хаҡы 71 миллион һум тәшкил итә. Балалар баҡсаһы район үҙәгенең яңы «Көнбайыш» биҫтәһендә төҙөлгән, унда мәктәпкәсә учреждениеға мохтаж булған бик күп йәш ғаиләләр йәшәй. Кәрәкле талаптарға яуап биргән заманса, матур бина яңы биҫтәнең ысын биҙәгенә әйләнде.