5 декабрь, Дүшәмбе

28 август 2014 йыл, 17:49

Баш ҡалала Ағиҙел йылғаһы буйында яңы сквер барлыҡҡа килде

автор: Илья Спиридонов

Өфөнөң Күпер алды биҫтәһендә «Тулҡын» магазины эргәһендә яңы сквер асылды, тип хәбәр итә ҡала хакимиәтенең матбуғат хеҙмәте. Уны реконструкциялау буйынса эштәр ике йыл дауамында барҙы.

Быйыл скверҙа ҡайын, шыршы ултырттылар. Бынан тыш, туя, зәңгәр шыршы һәм башҡа ағастар уны биҙәй. Төҙөкләндереү буйынса эштәр барышында газон үләне сәселгән, йәшел үҫентеләр ултыртыу өсөн бәләкәй архитектура формалары ҡуйылған.

Скверҙың бөтә өлөштәре лә үҙ-ара йәйәүлеләр йөрөү өсөн асфальт түшәлгән юлдар менән тоташҡан. Ял итеүселәрҙең уңайлыҡтары өсөн сүкелгән биҙәктәр менән яңы эскәмйәләр һәм сүп-сар һауыттары урынлаштырылған.