10 декабрь, Шәмбе

28 август 2014 йыл, 16:27

Өфөләр ҡасаҡ балаларға 1 сентябргә әҙерләнергә ярҙам итә ала

автор: Екатерина Соколова

Өфөләр Украина ҡасаҡтары балаларына 1 сентябргә әҙерләнергә ярҙам итә ала. Ҡаланың ҡотҡарыу хеҙмәте хәбәр итеүенсә, аҡса һәм мәктәп кәрәк-яраҡтары Өфөнөң Берҙәм консультация үҙәгендә ҡабул ителә. Ул Шафиев урамы, 28 адресы буйынса урынлашҡан, иртәнге туғыҙҙан киске сәғәт алтыға тиклем эшләй, шәмбе һәм йәкшәмбе – ял көндәре. Өҫтәмә мәғлүмәт алыу өсөн 112 һандары буйынса шылтыратырға мөмкин.

Әлеге ваҡытта Берҙәм консультация үҙәге 77 балаға мәктәпкә урынлашырға ярҙам иткән, уларҙың һигеҙе – беренсе синыф уҡыусылары.