11 декабрь, Йәкшәмбе

25 август 2014 йыл, 14:38

«Тамыр» балалар телеканалының фильмы - «Евразия тауышы» бөтә Рәсәй фестивале призеры

автор: Эльмира Сабирова

«Тамыр» балалар телеканалы төшөргән «Ҡолонҡай» фильмы Хакасияла уҙған «Евразия тауышы» милли тапшырыуҙарҙың Бөтә Рәсәй фестивалендә еңеүсе булды. Башҡортостан телевидениеһы хеҙмәткәрҙәренең эшен билдәле Рәсәй журналистары ингән жюри юғары баһаланы.

Бөтә илдән журналистар, операторҙар, режиссерҙар ҡатнашып ҡалырға ғына түгел, ә тәжрибә һәм ижади идеялар менән уртаҡлашырға йыйылған. Конкурсҡа 17 номинацияла 200-ҙән ашыу теле һәм радио эш ебәрелгән.

«Ҡолонҡай» фильмы бер юлы ике номинацияла – «Балалар һәм үҫмерҙәр өсөн иң яҡшы программа»ла һәм «Иң яҡшы оператор эше»ндә танылды.

Телевизор ҡараусылар фильмды 1 сентябрҙә Башҡортостан юлдаш телевидениеһында 20 сәғәт 15 минутта ҡарай ала.