4 декабрь, Йәкшәмбе

25 август 2014 йыл, 10:57

Башҡортостанда «Соль» этнографик экспедиция старт алды

автор: Розалия Вәлиева

«Соль» нәфис-документаль этнографик экспедиция 24 августа Өфөнән старт алды.

«Соль» коммерцияһы булмаған автор проектында өс өфөлө – Валентин Новоселов, Анна Кириллова һәм Сергей Лаухин ҡатнаша. Һуңғы 12 йылда улар Мәскәүҙә белем алды һәм йәшәне. Уларҙың республика буйынса сәфәре бер айға һуҙыласаҡ.

Ай дауамында авторҙар Башҡортостан буйлап йөрөп, төрлө урындарҙа буласаҡ, документаль фото һәм видеоматериалдар йыясаҡ, осрашыуҙар һәм семинарҙар үткәрәсәк, шул иҫәптән спортсылар, уҡыусылар һәм йәш йәмәғәт ойошмалары менән.

Проект эсенә экспедиция, интернет аша күрһәтеү, отчет фильм, интерактив күргәҙмәләр һәм оҫталыҡ кластары инә. Уларҙы «Бәйләнештә», Facebook социаль селтәрҙәрендә, Youtube каналында һәм Instagram сәхифәһендә күҙәтергә мөмкин.

Киләсәктә авторҙар быға оҡшаш проектты бөтә Рәсәй буйынса тормошҡа ашырырға планлаштыра.