4 декабрь, Йәкшәмбе

22 август 2014 йыл, 15:38

Таналыҡ йылғаһында гидротехник ҡоролманы йүнәтәсәктәр

автор: Әлим Фәйезов

Баймаҡ районында Таналыҡ йылғаһында гидротехник ҡоролманы капиталь ремонтлау буйынса эштәр башлана. БР Тәбиғәттән файҙаланыу һәм экология министрлығының матбуғат хеҙмәтенән хәбәр итеүҙәренсә, сара 2011-2015 йылдарға Урал аръяғын иҡтисади үҫтереү урта сроклы комплекслы программа сиктәрендә ғәмәлгә ашырыла.

Таналыҡ йылғаһында быуа 1977 йылда төҙөлгән. Уның майҙаны 14 гектар тәшкил итә, күләме – 0,15 миллион кубометр.

Һыу ҡоролмаһын капиталь ремонтлау буйынса эштәрҙең дөйөм хаҡы 2,8 миллион һумдан ашыу тәшкил итә. Улар республика бюджетынан финанслана. Әлеге ваҡытта эштәрҙе башҡарыусы билдәләнгән. Гидротехник ҡоролманы капиталь ремонтлау буйынса проектты бойомға ашырыу 2015 йылда тамамланасаҡ, тип билдәләнеләр ведомствола.