8 декабрь, Кесе йома

21 август 2014 йыл, 15:58

Өфөлә беренсе «Әсә һәм бала» дәүләт дарыуханаһы асылды

автор: Эльмира Сабирова

«Әсә һәм бала» беренсе дәүләт дарыуханаһы Башҡортостанда әсәлек һәм балалыҡҡа социаль ярҙам итеү сиктәрендә асылды. Ул Өфөлә Батыр урамы, 8 адресы буйынса урынлашҡан.

БР «Башфармация» дәүләт унитар предприятиеһы генераль директоры Айрат Абхаликовтың әйтеүе буйынса, бында һигеҙ меңдән ашыу төр продукция тәҡдим ителгән. Шул иҫәптән ике мең самаһы – ҡатындар һәм балалар өсөн. Медицина препараттарынан тыш, сәләмәтлекте нығытыу, матурлыҡты һаҡлау өсөн саралар төрлөлөгөнә бай.

«Әсә һәм бала» дарыуханаһында һатып алыусылар балаларҙы һәм йөклө ҡатындарҙы дауалау өсөн бөтә нәмәләр, поливитаминдар таба аласаҡ. Бынан тыш, төрлө йәштәге балалар өсөн тәрбиәләү кәрәк-яраҡтары, аҙыҡ-түлек, шулай уҡ дауалау косметикаһы бар.

Дарыуханала профессиональ хеҙмәткәрҙәр эшләй, улар һәр саҡ аҡыллы кәңәш бирәсәк.