10 декабрь, Шәмбе

10 июль 2014 йыл, 14:15

Республикала Торлаҡ төҙөлөшөн үҫтереү фонды ойошторола

автор: Эльвира Латипова

Башҡортостанда яңы коммерцияға ҡарамаған ойошма – Торлаҡ төҙөлөшөн үҫтереү фонды ойошторола. Республика Президентының тейешле Указы рәсми хоҡуҡи мәғлүмәт интернет-порталында баҫылған.

БР Төҙөлөш һәм архитектура буйынса дәүләт комитеты һәм республиканың Ер һәм мөлкәт мөнәсәбәттәре министрлығы Фондты ойоштороу инициаторҙары булып тора.

Документта шулай уҡ БР Социаль торлаҡ төҙөлөшө фондының бөтөрөләсәге тураһында хәбәр ителә.

Ошо көндәрҙә яңы коммерцияға ҡарамаған ойошманың уставы раҫланасаҡ. Республиканың Төҙөлөш һәм архитектура буйынса дәүләт комитетына Фонд идаралығының һәм попечителлек советының юғары коллегиаль органы составтары буйынса тәҡдимдәр индерергә ҡушылған. Уларҙың составын Башҡортостан Президенты раҫлаясаҡ.