11 декабрь, Йәкшәмбе

10 июль 2014 йыл, 12:54

Төбәктә бер аҙға һыуытасаҡ

автор: Гөлфиә Акулова

11 июлдә Башҡортостанда йәшенләп ямғыр яуып үтәсәк, көслө ел иҫеүе көтөлә, тип хәбәр итә Рәсәй Гидрометеорология үҙәге.

Һауа температураһы түбәнәйәсәк һәм 21 градус тәшкил итәсәк. Башҡортостан Гидрометеорология үҙәгенең мәғлүмәттәренә ярашлы, 12 һәм 13 июлдә һауа температураһы көндөҙ 15-18 градус, төндә 8 градус сиктәрендә буласаҡ. Бер аҙ ел иҫеүе көтөлә, болотло һауа торошо шулай уҡ һаҡланасаҡ, кисен ҡыҫҡа ваҡытлы яуым-төшөм яуыуы ихтимал.

Синоптиктарҙың фараздары буйынса, йәйге һауа торошо дүшәмбе кире ҡайтасаҡ. 14 июлдә һауа 26 градусҡа тиклем йылынсаҡ, 15 июлдә тағы ла йылыраҡ буласаҡ – 28 градусҡа тиклем.