Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.63

EUR 61.44

20 февраль, Дүшәмбе

Уфа   °

Вячеслав Зайцевтың Мода йортонда Өфө трикотаж фабрикаһында әҙерләгән коллекцияны һатыу асыласаҡ

Иҡтисад

Өфө трикотаж фабрикаһында (Tricardo сауҙа маркаһы) тегелгән кейем-һалым Мәскәүҙә Вячеслав Зайцевтың Мода йортонда һатыласаҡ. Бының тураһында модельер Вячеслав Зайцев Башҡортостандың баш ҡалаһында үткән, Өфө трикотаж фабрикаһы менән бергәләп эшләнгән, яңы көҙ-ҡыш коллекцияһының презентацияһында хәбәр итте.

Өфөлә яңы коллекцияның тик бер өлөшөн генә күрһәттеләр. Тулыһынса презентация октябрҙә Мәскәүҙә Fashion Week Mercedes-Benz Russia Мода аҙналығында үтәсәк. Тәүге тапҡыр ир-аттар коллекцияһы тәҡдим ителәсәк, ә ағымдағы йылдың сентябрендә подиумда балалар өсөн кейемдәр ҙә барлыҡҡа киләсәк.

— Трикотаждың киләсәге ҙур, мин быны 60-сы йылдарҙың урталарында аңланым, — тине Вячеслав Зайцев. — Айырыуса ул мәктәп формаларын етештереүҙә көнүҙәк. Трикотаж – «тын алыусан», уңайлы, хәрәкәт иткәндә ҡыҫмай торған материал. Беренсе синыф уҡыусыларының ата-әсәләренең баһаламалары буйынса фекер йөрөткәндә, трикотаждан мәктәп формаһы балаларға оҡшай.

Яңы коллекцияны эшләгәндә «йыуыу» технологияһы файҙаланылған – кейемдәр уларға билдәләнгән параметрҙар биреү өсөн айырыусы реагенттар менән эшкәртелгән.

— Был технологияны Рәсәйҙә әле бер кем дә ҡулланмай, — тип һөйләне Өфө трикотаж фабрикаһының етештереү начальнигы Римма Сафина. — Беҙҙең мастерҙар бер нисә тапҡыр Төркиәгә уҡырға барҙы, Италия фабрикалары хеҙмәткәрҙәренән консультация алды. Һөҙөмтәһе бар, һатып алыусылар баһаланы.

Яндекс цитирования
Рейтинг ресурсов "УралWeb" -->
закрыть