9 декабрь, Йома

03 июль 2014 йыл, 16:49

Мишкә районында етем балалар өй туйланы

автор: Эльмира Сабирова | фото: Ильяс Яхин

Мишкә районынан алты етем балаға тантаналы шарттарҙа фатир асҡыстарын тапшырҙылар. Яңы йорт хужалары өс бер ҡатлы йортҡа күсте, уларҙың һәр ҡайһыһында икешәр фатир. Яңы йорттар экологик, ныҡлы, йылыны яҡшы тота. Фатирҙар тулыһынса эшләнгән, һәр ҡайһыһында пластик тәҙрәләр ҡуйылған.

Мөһим ваҡиға менән яңы йорт хужаларын район хакимиәте башлығы урынбаҫары Сергей Александров ҡотланы. Ғаилә бәхетенә эйә булыуҙарын, район мәнфәғәтенә йәшәүҙәрен һәм эшләүҙәрен теләне.

Йорттарҙы Мишкә ауылының Урау урамында «ТермоХольц» яуаплылығы сикләнгән йәмғиәте һалған. Фатир асҡыстарын һәм бүләктәрҙе өй туйлаусыларға предприятиеның генераль директоры Эдуард Гизитдинов тапшырҙы.

Мишкә районында бөтәһе 44 ата-әсә ҡарауынан мәхрүм ҡалған бала фатир алыуға сиратта тора. Быйыл етем балалар өсөн тағы ла биш йорт төҙөргә планлаштыралар.