11 декабрь, Йәкшәмбе

01 июль 2014 йыл, 16:28

Мәғариф министрлығы Санкт-Петербург дәүләт университетында маҡсатлы уҡытыуға конкурс уҙғара

автор: Эльмира Сабирова

Башҡортостан Республикаһының Мәғариф министрлығы Санкт-Петербург дәүләт университетына маҡсатлы ҡабул итеү сиктәрендә дәғүә итеүселәрҙе һайлап алыуға конкурс иғлан итә.

Ведомствонан хәбәр итеүҙәренсә, Санкт-Петербург дәүләт университеты юриспруденция, Көнсығыш һәм Африка илдәрен өйрәнеү фәне, халыҡ-ара бәйләнештәр, лингвистика кеүек һөнәрҙәр буйынса белем алырға тәҡдим итә.

Маҡсатлы урындар исемлеге БР Мәғариф министрлығы сайтында («Профессиональ белем биреү— Юғары профессиональ белем алыу» бүлегендә) урынлаштырылған. Конкурста ҡатнашыу өсөн документтар Өфө ҡалаһы, Театр урамы, 5/2 адресы буйынса 217-се бүлмәлә ҡабул ителә. Заявкаларҙы ҡабул итеү ваҡыты – дүшәмбенән кесе йомаға тиклем иртәнге сәғәт ундан алып киске бишкә тиклем.