3 декабрь, Шәмбе

01 июль 2014 йыл, 16:14

Башҡортостан механизаторҙары Ҡырымда биш мең тоннанан ашыу иген урған

автор: Илья Спиридонов

Башҡортостан механизаторҙары Ҡырымда 2500 гектарҙан биш мең тоннанан ашыу иген урған, тип хәбәр иттеләр республика Ауыл хужалығы министрлығының матбуғат хеҙмәтенән. Иген урыу эштәре башланғандан алып бер комбайн уртаса 168 гектар эшкәрткән.

Иген культураларын урып-йыйыу буйынса алдынғылар иҫәбендә – «Үҙәк» машина-трактор станцияһы дәүләт унитар ауыл хужалығы предприятиеһы, «Ергән машина-трактор станцияһы» асыҡ акционерҙар йәмғиәте, «Төньяҡ-көнсығыш» машина-трактор станцияһы дәүләт унитар ауыл хужалығы предприятиеһы.

Иҫегеҙгә төшөрәбеҙ, уңышты йыйып алырға ярҙамға Ҡырымдың Белогорск районына республиканан 15 «New Holland» комбайны, өс «КАМАЗ», шулай уҡ механизаторҙар һәм ауыл хужалығы машиналарын хеҙмәтләндереү буйынса белгестәр ебәрелгән.