Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.91 ↑

EUR 69.68 ↑

27 июль, Кесе йома

Уфа   °

Башҡортостанда машина менән һауыуҙың иң яҡшы оҫталары асыҡланды

Йәмғиәт

Өфө районында машина менән һауыу оҫталарының ХХХIХ республика конкурсы тамамланды, тип хәбәр итә Башҡортостан Ауыл хужалығы министрлығының матбуғат хеҙмәте. Быйыл унда республиканың 52 районынан 60 белгес ҡатнашты.

Конкурс программаһына һыйырҙарҙы машина менән һауыу, һауыу аппараттарын һүтеп-йыйыу буйынса ярыштар, шулай уҡ теоретик әҙерлек буйынса тест инде.

Йомғаҡ яһағандан һуң беренсе урынды Тәтешле районынан Ғәлиә Ғәрифуллина, икенсене – Ауырғазынан Елена Иванова, өсөнсөнө Иглин районынан Любовь Корунос яуланы.

Ишембайҙан 23 йәшлек Екатерина Кузнецова «Иң йәш ҡатнашыусы» номинацияһында дипломға лайыҡ булды, ә Әбйәлил районынан Минзәлә Дауытова, 34 йыл эшләп, «Һөнәре буйынса күп йыллыҡ эш стажы өсөн» номинацияһында билдәләнде. Конкурс тарихында беренсе тапҡыр ойошторолған махсус бүләкте ун йәшлек Кирилл Мусинға тапшырҙылар.

Еңеүселәр ҡиммәтле бүләктәр һәм аҡсалата дәртләндереү саралары менән бүләкләнде.

Яндекс цитирования
Рейтинг ресурсов "УралWeb"
закрыть