3 декабрь, Шәмбе

25 июнь 2014 йыл, 10:53

Сит ил журналистары Башҡортостан буйынса матбуғат турына юлланды

автор: Розалия Вәлиева | фото: Розаляи Вәлиева, Татьяна Кадыкова, Лариса Ветлугина инфографикаһы

Сит ил журналистары – ШОС һәм БРИКС илдәре – Бразилия, Һиндостан, Ҡытай, Ҡаҙағстан һәм Италия киң мәғлүмәт саралары вәкилдәре өсөн матбуғат туры Башҡортостанда 24-28 июндә үтә.

Ҡунаҡтар Өфө музейҙарында булып, сәнәғәт предприятиелары менән танышып өлгөрҙө.

Шаршамбы, 25 июндә, журналистар Белорет районында Уҫманғәле мәсетендә һәм Ар ташында, Әбйәлил районы буйынса экскурсияла буласаҡ, Яҡтыкүл, Сабаҡлы, Ҡарабалыҡлы күлдәрен фотоға төшөрәсәк.

Шунан һуңғы көндәрҙә журналистар Темәс тарихи-мәҙәни үҙәктә ҡымыҙ етештереү һәм кейеҙ баҫыу менән танышасаҡ, милли башҡорт ашамлыҡтарынан ауыҙ итә аласаҡ. Шулай уҡ улар Шүлгәнташ мәмерйәһенә һәм ҡурсаулығына сәйәхәт ҡыласаҡ. Матбуғат туры һуңында ҡатнашыусылар республика етәксеһе Рөстәм Хәмитов менән осрашасаҡ.