7 декабрь, Шаршамбы

23 июнь 2014 йыл, 17:23

Константин Толкачев Ижевскиҙа Волга буйы федераль округы дәүләт власының закондар сығарыусы органдары Ассоциацияһы ултырышында ҡатнашты

автор: Екатерина Соколова

Башҡортостан Дәүләт Йыйылышы Рәйесе Константин Толкачев Ижевск ҡалаһында Волга буйы федераль округы субъекттарының дәүләт власының закондар сығарыусы органдары Ассоциацияһының XXIX ултырышында ҡатнашты. Төбәктәрҙең закондар сығарыусы власы етәкселәре төбәк йәштәр сәйәсәтен тормошҡа ашырыу мәсьәләләрен тикшерҙе һәм Удмурт Республикаһының балалар мәктәпкәсә белем биреү учреждениеларында балаларҙы урындар менән тәьмин итеү өлкәһендәге эш тәжрибәләре менән танышты. Фекер алышыу барышында закондар сығарыусылар дәүләт йәштәр сәйәсәте тураһында федераль закон ҡабул итеү кәрәклеген билдәләне. Әлеге ваҡытта РФ бер төркөм субъекттарында закондар ҡабул ителгән һәм эшләп килә, федераль кимәлдә тик Стратегия ғына бар. Федераль законды әҙерләргә Һамар өлкәһе закондар сығарыу йыйылышына ҡуштылар.