9 декабрь, Йома

17 июнь 2014 йыл, 15:13

Күп йыллыҡ үләндәр Башҡортостанда 67 мең гектарҙа сабылған

автор: Илья Спиридонов

Бөгөнгө көнгә күп йыллыҡ үләндәр Башҡортостанда 67 мең гектар майҙанда сабылған, ул пландан 12 процент тәшкил итә, тип хәбәр итә республиканың Ауыл хужалығы министрлығы. Үләнде сабыу эшендә Кушнаренка, Мәләүез, Стәрлетамаҡ һәм Саҡмағош райондары хужалыҡтары беренсе булып тора, унда күп йыллыҡ үләнгә бүленгән майҙандарҙың 30-40 процентында эштәр тамамланған.

Шуның менән бергә ямғырлы һауа торошо мал аҙығы әҙерләү кампанияһы барышына үҙгәрештәр индерҙе, тип билдәләйҙәр ведомствола. Баҫым хәҙер сенаж әҙерләүгә яһала. Республика буйынса бөтәһе 79 мең тонна сенаж (планлаштырған күләмдең дүрт проценты) һәм 25 мең тонна бесән (өс проценты) әҙерләнгән.