9 декабрь, Йома

17 июнь 2014 йыл, 9:40

Рәсәйҙә 2015 йыл Әҙәбиәт йылы буласаҡ

автор: Ғәлиә Нәбиева

2015 йыл Рәсәй Федерацияһында әҙәбиәт билдәһе аҫтында үтәсәк. «Рәсәй Федерацияһында Әҙәбиәт йылын үткәреү тураһында»ғы Указға РФ Президенты Владимир Путин ҡул ҡуйған.

Документҡа ярашлы, шуның менән йәмғиәттең иғтибарын әҙәбиәткә һәм уҡыуға йәлеп итеү планлаштырыла.

Рәсәй Хөкүмәтенә Әҙәбиәт йылын үткәреү буйынса ойоштороу комитетын булдырырға, шулай уҡ төп саралар планын әҙерләүҙе һәм раҫлауҙы тәьмин итергә ҡушылған.

Субъекттарҙың башҡарма власть органдарына Рәсәй Федерацияһында уҙғарыласаҡ Әҙәбиәт йылы сиктәрендә кәрәкле саралар үткәрергә кәңәш ителгән.