2 декабрь, Йома

16 июнь 2014 йыл, 10:12

Владимир Путин Рөстәм Хәмитовты Рәсәй көнө менән ҡотланы

автор: Сергей Захаров

Рәсәй Президенты Владимир Путин Рөстәм Хәмитовҡа Рәсәй көнө менән ҡотлап телеграмма ебәрҙе.

— Ватаныбыҙ, уның бөйөк тарихы, быуындан быуынға тапшырыла килгән илһөйәрлек традициялары менән ысын мәғәнәһендә ғорурланабыҙ. Күп быуаттар дауамында ата-бабаларыбыҙ Тыуған илебеҙҙең азатлығын һәм бойондороҡһоҙлоғон яҡлаған, уның мәҙәни, рухи, ижади ҡеүәтен үҫтергән. Һәм беҙ – баһалап бөтөргөһөҙ ҡиммәтте ҡәҙерләп һаҡларға, Рәсәй яҙмышының, уның ышаныслы киләсәгенең һәр беребеҙгә, ижади хеҙмәтебеҙгә, яуаплы гражданлыҡ позицияһына бәйле булыуын онотмаҫҡа тейешбеҙ, — тиелә телеграммала.

Дәүләт башлығы Рөстәм Хәмитовҡа уңыштар һәм иң изге теләктәр теләне.