4 декабрь, Йәкшәмбе

10 июнь 2014 йыл, 10:08

Ҡала көнөндә Өфөлә ауыл хужалығы йәрминкәһе үтәсәк

автор: Илья Спиридонов

12 июндә Спорт һарайы алдындағы майҙанда ауыл хужалығы йәрминкәһе үтәсәк, унда Башҡортостан республика ҡулланыусылар йәмғиәттәре союзының 20 кооператив предприятиеһы ҡатнашасаҡ, тип хәбәр иттеләр ҡала хакимиәтенең матбуғат хеҙмәтенән.

70-тән ашыу сауҙа нөктәһе өфөләргә үҙҙәре етештергән төрлө-төрлө ит, йәшелсә, картуф, бал, икмәк һәм икмәк-күмәс аҙыҡтары, ит һәм йәшелсә консервалары, һөт ризыҡтары тәҡдим итәсәк. Тауарҙарҙың сифатын Өфө ҡала ветеринария станцияһы белгестәре һәм БР Ветеринария идаралығы инспекторҙары тикшерәсәк.

Ҡала көнө хөрмәтенә йәрминкә концерт программаһы – республиканың фольклор коллективтары һәм һәүәҫкәр артистарының сығыштары менән оҙатыласаҡ.