8 декабрь, Кесе йома

09 июнь 2014 йыл, 15:25

Республикала аҙна буйына ямғырлы һауа торошо һаҡланасаҡ

автор: Гөлфиә Акулова

Рәсәй Гидрометеорология үҙәгенән хәбәр итеүҙәренсә, циклон ил төбәктәренең өлөшөнә һәм Башҡортостан территорияһына ямғырҙар килтерәсәк.

Дүшәмбе, 9 июндә, республикала ямғырҙар яуыуы һәм йылы һауа торошо урынлашыуы көтөлә. Яуым-төшөм аҙна аҙағаны тиклем дауам итәсәк. Һауа температураһы плюс 20 градустан алып 27-гә тиклем үҙгәрәсәк.

12 июндә Башҡортостан синоптиктары ҡыҫҡа ваҡытлы ямғырҙар яуыуын һәм көсһөҙ ел иҫеүен, һауа температураһының плюс 25 градус булыуын фаразлай.

14 июнгә температураның 20 градусҡа тиклем түбәнәйеүе ихтимал, көслө ямғыр яуып уҙасаҡ. Елдең төньяҡ-көнбайыш, көсһөҙ булыуы көтөлә.