10 декабрь, Шәмбе

09 июнь 2014 йыл, 9:45

Ҡариҙел районы хакимиәте башлығы итеп Илдар Ғарифуллин тәғәйенләнде

автор: "Башинформ"

Ҡариҙел районы муниципаль район Советы ҡарары менән 2014 йылдың 6 июнендә Ҡариҙел районы хакимиәте башлығы итеп контракт буйынса Илдар Ғарифуллин тәғәйенләнде.

Илдар Вил улы Ғарифуллин 1963 йылдың 25 мартында Өфөлә тыуған. Юғары белемле – Башҡортостан дәүләт университетын, Урал дәүләт юридик академияһын тамамлаған.

1985-1999 йылдарҙа – Ҡариҙел районындағы Ҡараяр урта мәктәбенең биология һәм химия уҡытыусыһы, директор урынбаҫары, директоры; 1999-2001 йылдарҙа – Ҡариҙел районы хакимиәте башлығының социаль мәсьәләләр буйынса урынбаҫары; 2001 йылда – «Башкирнефтепродукт» асыҡ акционерҙар йәмғиәте Бөрө филиалының Ҡариҙел цехы начальнигы; 2001-2010 йылдарҙа – БР Ҡариҙел районы хакимиәте башлығының кадрҙар, социаль һәм хоҡуҡи мәсьәләләр буйынса урынбаҫары; 2010-2012 йылдарҙа – БР Ҡариҙел районы хакимиәте башлығының беренсе урынбаҫары – кадрҙар, социаль һәм хоҡуҡи мәсьәләләр буйынса урынбаҫары, хакимиәт башлығы вазифаһын башҡарыусы. 2012 йылдан алып – БР Ҡариҙел районы хакимиәте башлығы.

«Башҡортостан Республикаһының атҡаҙанған халыҡ мәғарифы хеҙмәткәре», «2010 йылда иң яҡшы муниципаль хеҙмәткәр» тигән маҡтаулы исемдәргә эйә. Башҡортостан Республикаһының Почет грамотаһы менән бүләкләнгән.