9 декабрь, Йома

06 июнь 2014 йыл, 11:41

Төбәк етәксеһе Корея Республикаһының джаз-бэнд концертында булды

автор: Арина Рәхимҡолова | фото: Олег Яровиков

Рөстәм Хәмитов тормош иптәше Гөлшат Хәмитова менән «Stone Jazz» джаз-бэнд концертында булды. Төркөм Башҡортостанға Корея Республикаһының Рәсәй Федерацияһында Ғәҙәттән тыш һәм Тулы хоҡуҡлы Илсеһе Ви Сон Лактың сәфәре сиктәрендә Өфө тамашасыларына үҙ программаһын тәҡдим итте.

— Башҡортостанға, Өфөгә эш сәфәре менән генә түгел, ә яҡшы мәҙәни программа менән килгәнегеҙ өсөн ҙур рәхмәт, — тине Рөстәм Хәмитов. — Элгәре йыл Корея Республикаһында булдым. Корея оҫталарының концертын ҡарай алдыҡ. Артистарығыҙҙың оҫталығынан, энергияһынан, талантынан  хайран ҡалдым һәм, һис шикһеҙ, һеҙҙең сәфәрегеҙ барышында музыкаль төркөмдөң килеүен теләгәйнем. Һәм бына һеҙ бөгөн джаз төркөмөн алып килдегеҙ. Беҙҙә лә уйнау, бейеү, йырлау оҫталары бар. Артистарыбыҙ Корея Республикаһында сығыш яһаны. Беҙҙең бизнес, эш даирәләре араһында бәйләнештәребеҙҙең нығыныуына ышанам һәм Корея артистарын үҙебеҙҙә һәм үҙебеҙҙең артистарҙы Корея Республикаһында күреү өсөн күп кенә мөмкинлектәр аласаҡбыҙ.

Республика етәксеһе иҫтәлеккә Корея флейтасыһына башҡорт флейтаһын – ҡурай бүләк итте, тип хәбәр иттеләр төбәк башлығының матбуғат хеҙмәтенән.

темалар: бр президенты