11 декабрь, Йәкшәмбе

03 июнь 2014 йыл, 16:59

Иген культураларын химик утау төбәктә 43 процентҡа үтәлгән

автор: Илья Спиридонов

Яҙғы иген культураларын химик утау Башҡортостанда 490 мең гектарҙан ашыу майҙанда уҙғарылған, ул пландан 43 процент тәшкил итә, тип хәбәр иттеләр республика Ауыл хужалығы министрлығының матбуғат хеҙмәтенән. Был эштә Стәрлетамаҡ районы беренсе булып тора, унда майҙандарҙың 71 проценттан ашыуы (33,3 мең гектар) эшкәртелгән. Шәкәр сөгөлдөрөн эшкәртеүҙе 22 райондан 19 район хужалыҡтары тамамлаған.

Шулай уҡ республика баҫыуҙарында майҙандарҙы ужым культураларына әҙерләү башланды. Бөгөнгө көнгә 86,6 мең гектар, йәғни пландың 30 проценты эшкәртелгән. Тулыһынса пар ерҙәре Асҡын, Бөрйән һәм Дәүләкән райондарында әҙерләнгән.