6 декабрь, Шишәмбе

03 июнь 2014 йыл, 9:58

Республиканың 21 район хужалыҡтары мал аҙығы әҙерләй башланы

автор: Илья Спиридонов

Республиканың 21 район хужалыҡтарында бесән һәм сенаж әҙерләүгә күп йыллыҡ үләндәрҙе саба башланылар, тип хәбәр иттеләр республика Ауыл хужалығы министрлығының матбуғат хеҙмәтенән. Урып-йыйыу буйынса эшкә беренселәрҙән булып Ҡырмыҫҡалы, Краснокама, Күгәрсен, Кушнаренко, Мәләүез, Стәрлетамаҡ һәм Саҡмағош райондары тотондо.

Краснокама, Күгәрсен, Шишмә һәм Шаран райондарында бесән, Дүртөйлө һәм Өфө райондарында сенаж әҙерләй башланылар.

БР Ауыл хужалығын консультациялау мәғлүмәттәренә ярашлы, бөгөнгө көнгә Башҡортостанда үлән биш мең гектар майҙанда сабылған, 500-шәр тонна бесән һәм сенаж әҙерләнгән.