4 декабрь, Йәкшәмбе

02 июнь 2014 йыл, 15:17

ШОС һәм БРИКС илдәре фотографтары Башҡортостан буйлап сәйәхәт итәсәк

автор: Гөлфиә Акулова

10 июндән алып 17-һенә тиклем ШОС һәм БРИКС илдәре фоторәссамдары ҡатнашлығында «Тәбиғәт. Кеше. Мәҙәниәт-2014» халыҡ-ара акцияһы уҙасаҡ, тип хәбәр итә «ШОС БРИКС Өфө 2015» офис-төркөмө.

Быйыл ҡатнашыуға Ҡырғыҙстан, Ҡаҙағстан, Тажикстан, Иран, Италия, Бразилия, Ҡырым һәм Башҡортостан, Мәскәү һәм Силәбе заявка биргән. Бөтәһе 20 фотографтың килеүе көтөлә.

Халыҡ-ара акция Рәсәй һәм Башҡортостан фотосәнғәтен популярлаштырыуға йүнәлтелгән.

Акция сиктәрендә Өфөлә бер төркөм саралар үтәсәк. 10 июндә БР Милли музейында Рафаэль Исламовтың 60 йылына арналған «Оҫта һәм уҡыусы» күргәҙмәһе ойоштораласаҡ. 10 һәм 12 июндә «Өфө — йәшәү өсөн ҡала» темаһы буйынса фотоға төшөрөүҙәр үтәсәк. 11 июндә Өфө дәүләт иҡтисад һәм сервис университетының «Academia» галереяһында һәм «Болоттар» заманса сәнғәт үҙәгендә «Ер шары, беҙ һинең балаларың» халыҡ-ара фотофестиваль асыласаҡ.

темалар: фототур