4 декабрь, Йәкшәмбе

28 май 2014 йыл, 17:44

Өфөнөң Орджоникидзе районын Марат Ғәлиуллин етәкләне

автор: Ғәлиә Нәбиева

Марат Ғәлиуллин БР Өфө ҡалаһы ҡала округының Орджоникидзе районы хакимиәтен етәкләне. Район башлығының элекке эш урыны – Өфө хакимиәте башлығы урынбаҫары.

Ҡала хакимиәте башлығы Ирек Ялалов районды 15 йыл дауамында етәкләгән Мәхмүт Бикбулатовҡа рәхмәтен белдерҙе. Баш ҡала мэры был йылдарҙа райондағы ыңғай үҙгәрештәрҙе билдәләне.

Ирек Ялаловтың әйтеүе буйынса, алдағы йылдарҙа районда бер нисә эре проектты тормошҡа ашырыу, социаль һәм транспорт инфраструктураһын яҡшыртыу һәм киңәйтеү планлаштырыла. Был яуаплы мәсьәләләрҙе Марат Ғәлиуллин етәкселегендәге бөтә коллективҡа хәл итергә тура киләсәк.