10 декабрь, Шәмбе

23 май 2014 йыл, 9:39

«Өфө» футбол клубы – хәҙер Рәсәй футболы Премьер-лигаһы командаһы

автор: Дмитрий Слезин

Томскиҙа Рәсәй футболы Премьер-лигаһында 2014/2015 йылдар миҙгелендә уйнау хоҡуғына яуаплы матч уҙҙы. Юғары дивизион вәкиле «Томь» Милли футбол лигаһының «Өфө» клубын ҡабул итте.

Иҫегеҙгә төшөрәбеҙ, Өфөлә беренсе матчта «Томь» 1:5 иҫәбе менән еңелде. Дүрт тупты кире отоу Томск ҡалаһы футболсылары өсөн уңышлы башланды – 4-се минутта Евгений Башкиров Башҡортостан командаһы ҡапҡаһына гол индерҙе – 1:0. Ә Павел Голышевтың голы иҫәпте 2:0 итте.

Ниһәйәт, 31-се минутта, Өфө егете Дмитрий Голубов «Томь» футболсылары ҡапҡаһына гол индерҙе, һәм иҫәп 2:1 булып китте.

Икенсе таймда «Томь» өсөнсө тубын индерҙе – 3:1.

Шулай итеп, «Өфө» геройҙарса тороп Премьер-лигала урын яуланы.