5 декабрь, Дүшәмбе

21 май 2014 йыл, 11:47

Илеш районында яңы фельдшер-акушерлыҡ пункттары асылды

автор: Эльмира Сабирова

Илеш районы территорияһында урынлашҡан, Аҡкүҙ һәм Иҫке Күктау ауылдарында йәшәгәндәр сифатлыраҡ һәм уңайлыраҡ медицина ярҙамы алыу мөмкинлегенә эйә булды, был ауылдарҙа яңы фельдшер-акушерлыҡ пункттары сафҡа индерелде.

БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, Аҡкүҙ фельдшер-акушерлыҡ пунктында 482 кешегә, шул иҫәптән 116 балаға медицина ярҙамы күрһәтеләсәк. Иҫке Күктау фельдшер-акушерлыҡ пункты был ауыл биләмәһендә йәшәгән 643 кешене, шул иҫәптән 175 баланы хеҙмәтләндерәсәк.

Билдәләп үтергә кәрәк, был медицина учреждениелары «2013 йылға тиклем ауылдың социаль үҫеше» тигән маҡсатлы федераль программаны тормошҡа ашырыу сиктәрендә төҙөлгән. Социаль объекттарҙың смета буйынса хаҡы дүрт миллион һумдан ашыу тәшкил итте. Республика бюджетынан 300 мең һум медицина йыһаздары һәм ҡорамалдары алыуға бүленгән.

Үҙәк район дауаханаһы мебель алыу өсөн бюджеттан тыш аҡсаларҙан 45 мең һум биргән.

темалар: һаулыҡ һаҡлау