5 декабрь, Дүшәмбе

12 май 2014 йыл, 17:07

Башҡортостанда «комендант сәғәте» ҡыҫҡарҙы

автор: Ғәлиә Нәбиева

1 майҙан алып 17 йәше тулмаған балаларға өлкәндәрһеҙ йәмәғәт урындарында 22 сәғәткә тиклем түгел, ә 24 сәғәткә тиклем булырға мөмкин, тип хәбәр итә республика парламентының матбуғат хеҙмәте. Был норма «Башҡортостан Республикаһында бала хоҡуҡтарының төп гарантиялары тураһында» БР законында яҙылған һәм 2010 йылдан алып эшләп килә. 1 октябрҙән алып «комендант сәғәтенең» ваҡыты тағы ла оҙайтыласаҡ.

17 йәше тулмаған балаларҙың төндә ата-әсәләренән башҡа йәмәғәт урындарында булыу 500 һумдан 1000 һумға тиклем күләмдәге административ штраф менән янай. Административ хоҡуҡ боҙоу ҡабатланған хәлдә, штраф күләме бер меңдән алып ике меңгә тиклем арта.