11 декабрь, Йәкшәмбе

08 май 2014 йыл, 14:37

Бөйөк Ватан һуғышы геройҙарына тағы ла бер һәйкәл ҡуясаҡтар

автор: Ғәлиә Нәбиева

Борай районында республика парламенты депутаты булышлығы менән Бөйөк Ватан һуғышы ветерандарына тағы ла бер һәйкәл ҡуясаҡтар, тип хәбәр иттеләр БР Дәүләт Йыйылышының матбуғат хеҙмәтенән.

Дәүләт Йыйылышы депутаты, Урындағы үҙидара, граждандар йәмғиәте институттарын үҫтереү һәм киң мәғлүмәт саралары буйынса комитет рәйесе урынбаҫары Рифғәт Гарданов үҙенең тыуған яғында, Борай районының Яңы Йәлдәк ауылында, Бөйөк Ватан һуғышында ҡатнашҡан яҡташтарына һәйкәл ҡуйҙыртасаҡ. Унда фашистар менән һуғышта ҡатнашыусы ошо ауылда тыуған 190 кешенең исеме яҙыласаҡ. Депутаттың әйтеүе буйынса, әлеге ваҡытта барлығы 20 ветеран иҫән.

Һәйкәл ауылдың уртаһында дөйөм белем биреү йорто менән мәсет араһында урынлаштырыласаҡ. Уны Благовар районы скульпторы Александр Плотников эшләгән. Стеланы төҙөгәндә мәрмәр, металл, кирбес, тәбиғи таш файҙаланылған.

темалар: еңеү көнө