7 декабрь, Шаршамбы

28 апрель 2014 йыл, 14:39

Башҡортостандың механизаторы, музыка белгесе һәм рәссамы Рәсәйҙең дәүләт наградаларына лайыҡ

автор: Сергей Захаров

Владимир Путин ил үҫешенә өлөш индергәндәре, гуманитар өлкәлә ҡаҙаныштары, әүҙем закондар сығарыу һәм йәмәғәт эшмәкәрлеге, күп йылдар дауамында намыҫлы хеҙмәте өсөн рәсәйлеләрҙе дәүләт наградалары менән бүләкләү тураһында указға ҡул ҡуйҙы.

Бүләкләнеүселәр исемлегендә – Башҡортостандың өс вәкиле. II дәрәжә «Ватан алдындағы ҡаҙаныштары өсөн» орден миҙалына Шишмә районының «Берҙәмлек» яуаплылығы сикләнгән йәмғиәте механизаторы Әлфрид Сәхәбетдинов лайыҡ. «Рәсәй Федерацияһының атҡаҙанған сәнғәт эшмәкәре» исеме З.Исмәғилов исемендәге Өфө дәүләт сәнғәт академияһы профессоры Евгений Скуркоға бирелде. Башҡортостандың Рәссамдар союзы ағзаһы Айрат Тереғолов  Рәсәй Федерацияһының атҡаҙанған рәссамы исеменә лайыҡ, тип хәбәр ителә kremlin.ru сайтында.