3 декабрь, Шәмбе

23 апрель 2014 йыл, 17:25

Республика мәктәптәрендә Дәүләт Йыйылышы депутаттары «Парламентаризм сәғәтен» үткәрәсәк

автор: Ғәлиә Нәбиева

Республика парламенты депутаттары Башҡортостан мәктәптәрендә асыҡ дәрестәр үткәрәсәк. Тейешле тәҡдим менән закондар сығарыусыларға БР Дәүләт Йыйылышы Рәйесе Константин Толкачев үткән көндәрҙә пленар ултырышта мөрәжәғәт итте.

— 27 апрелдә билдәләнгән Рәсәй парламентаризмы көнө менән бәйле һеҙҙең һайлау округтары мәктәптәрендә апрель аҙағына тиклем «Парламентаризм сәғәте» темаһына асыҡ дәрестәр үткәрергә тәҡдим итәм, — тине депутаттарға спикер. — Кешеләр парламенттың нимә эшләүен, ниндәй мәсьәләләр менән шөғөлләнеүен, республиканың һәм илдең сәйәсәт һәм дәүләт системаһында биләгән ролен белһен өсөн.