5 декабрь, Дүшәмбе

22 апрель 2014 йыл, 17:09

Шаран районы Ҡырымдың Белогорск районына ярҙам күрһәтә башланы

автор: Әлим Фәйезов

Ҡырым халҡына ярҙам ҡулын Башҡортостанда дәүләт учреждениелары, ведомстволар, Өфөнөң һәм башҡа ҡалаларҙың айырым предприятиелары ғына түгел, ә райондар ҙа һуҙа. Шаран районында Ҡырым Республикаһының Белогорск районы үҫешенә күсереү өсөн 5000 һум күләмендә аҡсаны беренселәрҙән булып «Тепловик» яуаплылығы сикләнгән йәмғиәтендә йыйғандар.

— Беҙ Ҡырымдың Рәсәйгә ҡушылыуын шатланып ҡабул иттек, — тип һөйләй предприятие директоры Динар Шакиров. — Хеҙмәткәрҙәребеҙҙә был хәл Рәсәй өсөн ғорурлыҡ тыуҙырҙы. Шуға күрә ҡырымдарға ярҙам итергә булдыҡ.

Ҡырым өсөн аҡса йыйыу бөтә Шаран районы буйынса таралды, тип хәбәр итте муниципалитеттың мәғлүмәт-аналитика бүлеге начальнигы Рәил Мусин.