6 декабрь, Шишәмбе

17 апрель 2014 йыл, 15:31

Төбәктә йыл башынан алып инфляция 2,4 процент тәшкил итте

автор: Эльвира Латипова

Ғинуар-март йомғаҡтары буйынса республикала инфляция 2,4 процент тәшкил итте, тип хәбәр итә Башҡортостанстат. Март айында инфляция – февралгә 1 процент.

Йыл башынан алып иң күберәге аҙыҡ-түлек тауарҙары ҡиммәтләнгән – 4,6 процентҡа. Хеҙмәттәргә хаҡтарҙың үҫеше 2,2 процент тәшкил итте. Аҙыраҡ темптар менән сәнәғәт тауарҙарына хаҡтар артҡан – өс айҙа 0,4 процентҡа.

Аҙыҡ-түлек тауарҙары төркөмөндә йыл башынан алып иң күберәге йәшелсә-емеш (22,2 процентҡа), шәкәр (9,7 процентҡа) һәм алкоголле эсемлектәр (7,5 процентҡа) ҡыйбатланған.