Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.13 ↑

EUR 69.56 ↑

24 август, Кесе йома

Уфа   °

Башҡортостан менән Ҡурған өлкәһе Хеҙмәттәшлек тураһында килешеүҙе яңырта

Иҡтисад

Башҡортостан менән Ҡурған өлкәһе араһында хеҙмәттәшлек тураһында Килешеү яҡын ваҡыт арауығында әҙерләнеп бөтәсәк һәм яңыртыласаҡ. Был хаҡта Ҡурғанда уҙған өлкә губернаторы вазифаһын ваҡытлыса башҡарыусы Алексей Кокорин, Башҡортостандың Урал төбәктәрендә рәсми вәкиле Амур Хәбибуллин һәм БР Учалы районы хакимиәте башлығы Фәрит Дәүләтгәрәевтың эш осрашыуында әйтелде. Әлеге ваҡытта Шаҙры һәм Учалы ҡалалары араһында иҡтисади һәм мәҙәни хеҙмәттәшлек тураһында килешеү үҙ көсөндә.

— Мин иҡтисади блокты күләмлерәк күрһәтергә теләр инем. Иҡтисадта уртаҡ нөктәләр күп булған һайын, яҡшыраҡ, — тип аңлатты Алексей Кокорин.

Башҡортостан вәкилдәре әйтеүҙәренсә, республика башлығы Урал аръяғы тәҡдимдәрен хуплай. Әҙер Килешеүгә ҡул ҡуйыу июндең башына билдәләнгән.

Башҡортостандың Силәбе өлкәһендәге Даими вәкиллеге матбуғат секретары Михаил Хәбиров хәбәр итеүенсә, республика Урал аръяғы территорияһында «Башнефть» компанияһын алға этәреү менән ҡыҙыҡһына. Шулай уҡ Башҡортостан Урал аръяғында етештерелмәгән тауарҙарҙы уларға һатыуҙы яйға һалырға планлаштыра. Ҡаҙҙар һәм һарыҡтар үрсетеү буйынса республиканың тоҡомло совхоздары менән Ҡурған өлкәһе шәхси секторының хеҙмәттәшлеге күҙаллана.

Яндекс цитирования
Рейтинг ресурсов "УралWeb"
закрыть