9 декабрь, Йома

12 апрель 2014 йыл, 12:58

Наил Ғәйетбаев Башҡортостан Яҙыусылар союзы идараһы рәйесе итеп һайланды

автор: Игорь Савельев, Алик Шакиров

Башҡортостан Яҙыусылар союзы идараһы рәйесе итеп күпселек тауыш менән Наил Ғәйетбаев һайланды. Бындай ҡарар Башҡортостан Республикаһы Яҙыусылар союзының дөйөм йыйылышында ҡабул ителде. Ижади ойошма башлығы вазифаһына Наил Ғәйетбаев, Рәлиф Кинйәбаев һәм Игорь Фролов дәғүә итте. Уларҙың исемдәре йәшерен тауыш биреү өсөн бюллетендәргә индерелде. Бөтәһе 155 бюллетень таратылды. Һөҙөмтәлә йыйылышта ҡатнашыусылар Наил Ғәйетбаев өсөн 109 тауыш, Рәлиф Кинйәбаев өсөн – 35 , Игорь Фролов өсөн туғыҙ тауыш бирҙе. Ике бюллетень боҙолдо.

Наил Ғәйетбаевҡа 65 йәш, ул драматург булараҡ билдәле, Рәсәйҙең атҡаҙанған мәҙәниәт хеҙмәткәре һәм Башҡортостандың атҡаҙанған сәнғәт эшмәкәре исемдәренә эйә. Күп йылдар дауамында «Тамаша» журналын етәкләне, республиканың мәҙәниәт министры урыынбаҫары вазифаһын биләне.