4 декабрь, Йәкшәмбе

09 апрель 2014 йыл, 15:57

Башҡортостанда ғинуар-февралдә тыуым 5,1 процентҡа артҡан

автор: Эльвира Латипова

Башҡортостанда ғинуар-февралдә 9737 бала тыуған – 2013 йылдың ошо уҡ осоро менән сағыштырғанда, 5,1 процентҡа күберәк. Тыуым үҫеше республиканың алты ҡалаһында: Өфөлә, Ағиҙелдә, Нефтекамала, Октябрскийҙа, Салауатта һәм Стәрлетамаҡта, шулай уҡ 32 муниципаль районда билдәләнгән.

Үлем кимәле 5,5 процентҡа кәмегән. Ике ай эсендә республикала 8892 кеше үлгән.

Шулай итеп, Башҡортостанда тыуғандар һаны үлгәндәр һанынан, 2013 йылдың ғинуар-февралендәге 1,6 процентҡа ҡаршы, 9,5 процентҡа артҡан.

Статистика мәғлүмәттәренә ярашлы, тотош Рәсәй Федерацияһында үлем кимәле тыуым иҫәбенән 5,5 процентҡа артығыраҡ. Тәбиғи үҫеш илдең 83 субъекттарының 35-ндә күҙәтелгән.

Волга буйы федераль округында тәбиғи үҫеш, Башҡортостандан тыш, Татарстанда, Удмуртияла, Марий Элда, Сыуаш Республикаһында, Пермь крайында һәм Ырымбур өлкәһендә билдәләнгән.